Participate in Shivaji University Interonal NETBALL (W) tournament 2024-25

आंतरविभागीय नेटबॉल स्पर्धेत कन्या महाविद्यालयाचे यश 

शिवाजी विद्यापीठ अंतर्गत आंतरविभागीय नेटबॉल स्पर्धेत आपल्या कन्या महाविद्यालय मिरज संघाने तृतीय क्रमांक प्राप्त केला. त्याबद्दल संघाचे हार्दिक हार्दिक अभिनंदन......

दिनांक 24 डिसेंबर 2024 रोजी शिवाजी विद्यापीठाच्या क्रीडांगणावर शिवाजी विद्यापीठ अंतर्गत आंतरविभागीय नेटबॉल महिला स्पर्धा अत्यंत उत्साहात पार पडल्या. या स्पर्धेचे नियोजन आजरा महाविद्याय, आजरा यांनी केले होते. या स्पर्धेत सातारा सांगली कोल्हापूर या तीन जिल्ह्यातून पहिले ४ विजयी संघ असे एकूण १२ संघांनी सहभाग नोंदवला होता. या बाद फेरी, लीग पद्धतीने पार पडल्या. शिवाजी विद्यापीठाने प्रथमच महिलांच्या नेटबॉल स्पर्धेची सुरुवात केली. 

दिनांक १२ डिसेंबर २०२४ रोजी सांगली विभागीय नेटबॉल स्पर्धा मिरज महाविद्यालयाच्या क्रीडांगणावर पार पडल्या होत्या, या स्पर्धेत कन्या महाविद्यालय मिरज संघानेही सहभाग नोंदवला होता. या स्पर्धेत तृतीय क्रमांक मिळवून त्यांची आंतरविभागीय स्पर्धेसाठी निवड झाली होती. 

दिनांक २४ डिसेंबर २०२४ रोजी झालेल्या शिवाजी विद्यापीठ अंतर्गत आंतरविभागीय नेटबॉल स्पर्धेत कन्या महाविद्यालय मिरज संघाने सहभाग नोंदवला. स्पर्धेत संघाने उत्कृष्ट कामगिरी करत तृतीय क्रमांक प्राप्त केला. या स्पर्धा खूपचं अटीतटीच्या झाल्या. कु. समीक्षा चौगुले, कु. सानिका चौगुले, कु. हर्षदा कांबळे यांनी उत्कृष्ठ कामगिरी केली. कु. सागरिका महातो, कु. जहीन इनामदार, कु. गायत्री माने, कु. प्रियांका जहांगीरदार, कु. भूमि आरगे यांनी चांगली साथ दिली.

या स्पर्धेतून जयपूर येथे होणाऱ्या अखिल भारतीय विद्यापीठ नेटबॉल स्पर्धेसाठी शिवाजी विद्यापीठाचा संघ निवडला जाणारं आहे.

दि न्यू मिरज एज्युकेशन सोसायटीचे अध्यक्ष मा. विनायकराव गोखले, संचालक चंद्रशेखर मराठे तसेच संस्थेचे सचिव मा. राजू झाडबुके यांनी यश प्राप्त खेळाडूंचे कौतुक केले.

महाविद्यालयाचे प्राचार्य प्रा. डॉ. उल्हास माळकर, उपप्राचार्य डॉ. सुनिता माळी, पर्यवेक्षिका सौ. नलिनी प्रज्ञासूर्य, शारीरिक शिक्षण संचालक प्रा. डॉ. बाबासाहेब सरगर, प्रा. भाग्यश्री कुंभारकर यांचे या खेळाडुंना मार्गदर्शन लाभले.