Physical Education Day

स्वास्थ्य संवर्धनात शारीरिक शिक्षणाची भूमिका महत्त्वाची - डॉ.श्रीदेवी पवार-हिरुगडे

  

मिरज: व्यक्तीचा शारीरिक, मानसिक, बौद्धिक, नैतिक, भावनिक व सामाजिक विकास घडविण्याचे सामर्थ्य शारीरिक शिक्षणात असून स्वास्थ्य संवर्धनात शारीरिक शिक्षणाची भूमिका महत्वाची असल्याचे मत प्रा. डॉ. श्रीदेवी पवार-हिरुगडे यांनी केले. शारीरिक शिक्षण दिनानिमित्त मिरजेतील कन्या महाविद्यालयात शारीरिक शिक्षण व क्रीडा विभागाने "शारीरिक शिक्षणातून स्वास्थ्य संवर्धन" या विषयावर आयोजित केलेल्या ऑनलाईन व्याख्यानात त्या प्रमुख मार्गदर्शक म्हणून बोलत होत्या. अध्यक्षस्थानी महाविद्यालयाच्या प्रभारी प्राचार्या डॉ. शर्वरी कुलकर्णी होत्या. या व्याख्यानात कनिष्ठ व वरिष्ठ विभागातील विद्यार्थिनी ऑनलाईन पद्धतीने मोठया स्वरूपात सहभागी झाल्या होत्या. 

           डॉ. पवार यांनी आपल्या व्याख्यानातून योग्य नियमित व्यायाम, संतुलित आहार, पुरेशी विश्रांती, छंदाची जोपासना व सकारात्मक दृष्टीकोन या पंचसूत्रीचा अवलंब केला पाहिजे. ही पंचसूत्री म्हणजे उत्तम आरोग्याची गुरुकिल्ली असल्याचे प्रतिपादन केले. स्वागत व प्रास्ताविक वरिष्ठ विभागाचे शारीरिक शिक्षण संचालक व कार्यक्रमाचे संयोजक प्रा. बाबासाहेब सरगर यांनी केले. कनिष्ठ विभागाच्या शारीरिक शिक्षण संचालिका प्रा. सौ. मृदुला कुलकर्णी यांनी परिचय करून दिला. आभार प्रा. डॉ. जयकुमार चंदनशिवे यांनी मानले. सुत्रसंचालन प्रा. रमेश कट्टीमणी यांनी केले. या कार्यक्रमाच्या यशस्वीतेसाठी  महाविद्यालयातील प्राध्यापक वर्ग व शिक्षकेतर कर्मचाऱ्यांचे सहकार्य लाभले.

Registration Link Registration List